Жыл сайын қыркүйек айында кәсіби бағдар беру жұмысы және базалық мектептермен іс-шаралар жоспары жасалынып, бекітіледі. Қала және аудан мектептеріне кәсіби-бағдар жұмыс жүргізу үшін оқытушылар тағайындалып, тізімі ЖОО-дейінгі дайындық орталығына тапсырылады. Музыкалық білім және вокал кафедрасының кәсіптік бағдар беру жұмысы бойынша жауапты болып оқытушы А.Ж.Кенжегалиева тағайындалып, үлкен жауапкершілікпен жұмыстанып келеді. Кафедраның кәсіби бағдар жұмысы әр түрлі бағытта жүргізіліп, кафедра оқытушылары өз жұмыстарына аса жауапкершілікпен қарап келеді. Қала және мектеп аудандарының ЖОББМ тығыз байланысып, мектеп түлектеріне болашақ мамандықтарын дұрыс таңдау жолында жұмыс жүргізіп келеді. БББ әрбір оқытушысы өзінің жұмысына жауапкершілікпен қарап, оқушыларға жан-жақты кеңес беріп, шығармашылық емтихан талаптарын түсіндіріп, бағыт беріп отырады. №1, 5, 6, 7, 10, 12, 21, 23, 26, 45, 46 ЖОББМ 11 сынып оқушыларына және Ж.Досмұхамедов ат.педагогикалық колледж студенттеріне, Құрманғазы атындағы саз колледжінің студенттеріне үгіт-насихат жұмыстарын ұйымдастырып жүр.
Педагогикалық сараман барысында Музыкалық білім беру мамандығының 3-4 курс студенттері мектеп мұғалімдеріне концерттік шаралар өткізуге атсалысып, 11 cынып оқушыларына кездесу ұйымдастырып тұрады. Бұл кездесуде олар өздері білім алып жатырған мамандық туралы ақпараттар беріп, оқушыларға студенттік өмір туралы қызықты ойларын айтып, бөліседі.
Мәдениет және өнер факультеті жыл сайын дәстүрлі түрде ұйымдастыратын «Жас дарын» байқауының «Вокал» номинациясы бойынша Музыка пәні мұғалімдері мен орындаушылық өнер мамандарын дайындау білім беру бағдарламасы жауапты болып келеді. Бұл байқау 10-11 сынып оқушылары және өнер колледждерінің бітіруші түлектері арасында жоғарғы оқу орнында білімін жалғастыру үшін, үздік шығармашылық жұмыстарымен, би және музыкалық орындаушылықпен көзге түскен дарынды жастарды университетке тарту. Екі күнге созылатын байқауда БҚО аудан мектептері мен қала мектептерінің оқушылары, колледждердің студенттері белсене қатысып келеді. Нәтижесінде байқауға қатысқан оқушыларымыздың біразы Музыкалық білім және Вокалдық өнер мамандықтарына оқуға түсіп, қазіргі таңда университетімізде білім алып жүр.
Жыл сайын университетте өтетін «Ашық есік» күні шарасына кәсіби бағдарберу жұмысына жауапты А.Ж.Кенжегалиева атсалысып, Музыка пәні мұғалімдері мен орындаушылық өнер мамандарын дайындау білім беру бағдарламасы мамандықтарын таңдаған қала және аудан мектептерінің түлектерін мәдениет және өнер факультетімен таныстырып, экскурсия жасайды, түлектерді ән жазу студиясына, вокал және хор сабақтары өтетін кабинеттермен таныстырады.БББ оқытушыларымен таныстырылып, студенттерден құрылған хор ұжымымен кездесу ұйымдастырады.
